「愛國愛港」杯葛區選，「香港議會」傾力參與！
綜觀所有人意見，對香港議會嘅討論焦點不外乎兩個：一、應唔應該搞？二、應該點搞？
「應唔應該搞？」要一睇係咪合乎法理情，二睇係咪具備認受性，三睇係咪會有成效。
「應該點搞？」即係點樣做才可確保選举嘅可行性、安全性及議會有效運作。
「應唔應該搞？」
一、係咪合乎法理情？
論法，雙普選寫在《基本法》從未改變；論理，共魔承諾循序漸進搞雙普選卻「不進反退」；論情，港人爭取雙普選26年嚟從未放棄。
結論：合乎法理情！
二、係咪具備認受性？
認受性來源於參與廣泛性，越多人參與則認受性越強。由於《國安法》會恐嚇到某一小撮人不敢參與，故有人會認為認受性不足，但有咁樣諗法嘅人直頭係「雞蛋裏挑骨頭」，因為比起嗰個90人嘅偽議會「垃圾會」，香港議會嘅認受性會強佢萬萬倍不止。
結論：具備認受性！
三、係咪會有成效？
香港淪陷要光復，最迫切嘅唯一要務，就係「滅共」，絕非制憲（如美國制憲都係喺獨立戰爭勝利之後）。因為共魔一日不滅，就會禍港一日不歇。而自從公佈籌備香港議會選舉後被港共持續極力打壓可知，共魔最恐懼嘅就係人們團結一致反對佢，故只要大家目標清晰、行動一致、堅持到底，「滅共復港」就指日可待。
結論：會有成效！
綜上三點所述，香港議會應該搞、必須搞、即刻搞，而且係團結所有人實現「滅共復港」嘅唯一出路！
「應該點搞？」
如無法喺實操層面，去確保選举嘅可行性、安全性及議會有效運作，咁香港議會嘅結局只能無疾而終。
一、確保選舉可行性
古人雲「名不正，則言不順」，喺未徹底消滅共魔且香港淪陷未光復嘅情況下，香港議會唔旗幟鮮明咁將「滅共復港」列作最迫切嘅唯一要務，就會毫無存在價值。因此，香港議會必須先正名為「香港（滅共復港）議會」。
因不但共魔係人類公敵，而香港亦係最深受各國民眾喜愛嘅國際大都市，在正名為「香港（滅共復港）議會」後，參選人要係港人，但選民就可以「名正言順」咁擴闊為全球各地所有憎恨共魔及喜愛香港嘅人（不分國籍、種族、膚色、性別、年齡、學歷、職業、信仰等），而等到「滅共復港」大業成功後，再恢復正常嘅港人選民登記都未遲。
「萬事開頭難」，尤其喺共魔全力打壓並有人諸多質疑嘅情況下，注定咗香港議會嘅首次選舉係「只許成功，不許失敗」。而「議會正名、選民擴闊」恰恰就係最能確保議會選舉成功之舉，因不但可極大增強選舉宣傳嘅影響力，而且可確保有更多人參與選舉，而越多人參與選舉，則議會認受性及發揮嘅效用就會越強，同時對共魔嘅殺傷力亦會越大，可達致「一石數鳥」之效。
而喺選民遍佈世界各地嘅情況下，毫無疑問，全程通過互聯網進行組織選舉，係唯一可行方式。
二、確保選舉安全性
「議會正名、選民擴闊」之舉，不但可確保選舉可行性，而且更可確保選舉安全性。因選民無需再驗證為港人，咁樣不但可避免洩露個人資料嘅風險，更可打消有人擔心香港議會係咪陷阱等諸多疑慮，從而顯著提高包括港人在內嘅全球民眾參與選舉意願，而且亦可慳返編寫驗證程式嘅時間及成本，並令到真正投票時嘅整個流程會更為簡便和順暢。
為鼓勵更多人參選，同時避免驗證提名人資料所帶來嘅麻煩及其个人信息外洩風險，建議無需提名即可自行報名參選，喺經選委會認定符合參選資格並取得參選編號後，要在網上公佈有關「滅共復港」參選政綱，並要接受選民們嘅網上質詢及參選人之間嘅網上辯論。
由於不需選民驗證係人都可投票，故為避免惡意重複投票破壞選舉公平性，喺投票時要對上網設備嘅Wi-Fi地址、藍牙地址及IMEI、ICCID、SEID等進行識別記錄，只要其中任意一項與已有記錄相同，則視作重複投票不與接納。
三、確保議會有效運作
雖然參選人要過三關（資格認定、公佈政綱、接受網上質詢辯論）至有機會當選，並有相關措施防止惡意重複投票，但仍然難免有共魔代理人最終進入議會，故建議除特殊情況需要保密外，議會會議全程網上公開直播，讓議員接受選民監督，有需要時更可透過議員或選民投票直接DQ不稱職議員。
另外，建議議員任期一年，可讓議會及時更換新血並長久保持最佳運作狀態。
綜上三點所述，香港議會應該咁樣搞：全力發動宣傳「議會正名、選民擴闊」新舉措，編寫投票程式全程透過互聯網進行組織選舉，合資格港人可自行報名參選，歷經資格認定、公佈政綱、接受網上質詢辯論直至投票當選，議員任期一年，議會會議全程網上公開直播接受選民監督，不稱職議員更可被其他議員或選民透過投票直接DQ。
下面會跟住深入探討如何開展發動宣傳「香港（滅共復港）議會」，以便可讓全球民眾、尤其還身在香港嘅人獲悉相關詳情。
首先，由香港議會籌委會出面主動聯絡全球各地嘅港人、藏人、疆人及大陸民運人士等不同組織，闡述「香港（滅共復港）議會」成立宗旨以及「選民擴闊」新舉措，從而爭取對方組織嘅認同、支持與協助。然後，再由對方組織喺當地幫忙發動宣傳「香港（滅共復港）議會」，例如聯絡當地政府、議會、社會不同機構組織等作出相關闡述與說明。
其次，鼓勵並要求凡認同、支持與願意協助「香港（滅共復港）議會」嘅所有組織及個人，要利用一切線上（包括但不限於網站網頁、電子郵件、社交媒體等）及線下（包括但不限於集會示威遊行、擺街站、私下面談等）方式幫忙宣傳，如有能力有條件嘅話，還可以透過電視、電台、報章雜誌、戶外燈箱、汽車車身等進行廣告宣傳。
另外，每個支持者都必須向至少兩個從未瞭解過香港議會人士進行宣傳講解，而只要人人都堅持咁樣做，即實現咗數學倍增計劃，就能喺好短時間內讓好多人都知悉香港議會呢件事情。
最後，仍身在香港嘅人，喺線上宣傳時必須要匿名進行，而線下宣傳則僅限於喺可信賴人之間私下進行。
最後嘅最後，仍身在香港嘅人，還可以靈活採取以下五種特殊方式進行推廣宣傳。
推廣宣傳內容如下：
「愛國愛港」杯葛區選，「香港議會」傾力參與！
香港議會網址：hkparliament.org
推廣宣傳展示方式：
一、靜態隱蔽方式
喺冇攝像監控及他人發現嘅情況下，以張貼字條或手寫、噴塗、蓋印字體等方式，將推廣宣傳內容喺餐廳、公園、戲院、商場、街市、車站、停車場、住宅大廈、商業大廈等公共場所，以及巴士、的士、小巴、地鐵、渡輪等公共交通工具內展示畀他人睇，而具體展示位置包括但不限於洗手間門後、出入大門、電梯扶梯、走廊樓梯、餐台、餐牌、座椅、紅綠燈柱、路邊燈柱、路牌、郵政信箱、斑馬線路面、街道拐角牆壁等等。
二、靜態公開方式
喺確認安全嘅情況下，可透過無人機將附有推廣宣傳內容嘅大型標語固定喺高大樹木、燈柱燈塔、大廈建築、山頭等頂端高處，吸引公眾觀看獲悉。
三、動態隱蔽方式
將推廣宣傳內容以手寫、噴塗、蓋印字體等方式，附在港元紙鈔上面，然後透過紙鈔買賣嘅不斷流通，可讓更多人獲取信息。
四、動態公開方式
白天可用無人機（要必須確保用家安全）、熱氣球等，喺熱鬧密集人群區域上空移動展示附有推廣宣傳內容嘅大型標語，晚上則可改用孔明燈，咁樣就可取得最大嘅宣傳轟動效果。
五、人肉移動宣傳機
將附有推廣宣傳內容嘅字條，趁人多擠逼不為意嘅時候，可偷偷貼喺他人後背衣服上面，或者乾脆直接貼喺自己嘅後背衣服上面，然後就可大搖大擺、<span dir=”ltr”>招搖過市咁沿路</span>一直進行推廣宣傳。而無論邊個，假如萬一被黑警捉住，都可以不知情被整蠱作為抗辯理由，但前提必須不能留低任何指紋喺字條上面。
假若全球性推廣宣傳行動都一切順利嘅話，那麼要問到底多唔多人撐香港議會及如何識別某人係咪支持者時，則每個香港議會支持者都必須要做到以下建議。
共魔及港共開口閉口都講「愛國愛港」，佢哋自以為咁樣就能夠全面掌控話語權，甘願做共魔奴才走狗之人才係「愛國愛港」，可以分到塊骨頭，做個港官或議員，反之就係非「愛國愛港」人士，就連入閘參選嘅資格都冇。
有鑑於此，我哋必須搶回真正符合「愛國愛港」定義嘅話語權，使出嘅呢一招就叫做「以毒攻毒」，而按照時下流行操作手法亦叫做「低級紅、高級黑」。凡支持擁護並積極參與「香港（滅共復港）議會」選舉之全球人士（包括在港人士），要喺其本人所有嘅社交媒體帳號上，均用正體中文附註「愛國愛港」四字，以資識別。
咁樣一嚟，不但可充分表明個人政治立場，可供他人輕易識別，亦可讓人直觀感受到底多唔多人撐香港議會，同時共魔亦會陷入一個三難嘅尷尬困局：一、視若無睹、毫不理會、放任不管嘅話，就會有越來越多人積極參與香港議會選舉；二、如果全面禁止社交媒體帳號附註「愛國愛港」四字嘅話，一嚟於法於理於情不合而無法做到，二嚟就會相當於自打嘴巴、顏面無存，三嚟以後就再無法借用「愛國愛港」一詞對港人進行刻意篩選；三、如果要黑警拉人恐嚇嘅話，唔公開行動就完全冇恐嚇效果，但如果公開行動嘅話，恐怕撤資走人潮會一發不可收拾，因為因言獲罪而拉人，就更加於法於理於情不合，而如果想私下拉部分人嘅話，就完全於事無補，而要拉晒所有人嘅話，一嚟黑警人手資源及關押地方有限，二嚟「紙始終包不住火」，一旦無緣無故失蹤人口突增嘅話，真相始終會被捅出嚟，咁亦同樣會造成撤資走人潮嘅災難性後果。
除咗喺所有社交媒體帳號上均用正體中文附註「愛國愛港」四字之外，還可以考慮選擇用正體中文附註「起來，不願做奴隸的人們」，效果一樣或甚至更好。
