- This topic is empty.
-
文章
-
-
昨天 袁何談天（賴美帝！），在４１分處，袁爸爸講解最新構思，轉用VPN 網上自行認證，會聘請一位公證人監督整個項目，以顯公正和法律地位。
認證過程，包括就算是新裝／新用VPN，快捷而且為認證者（投票者）是免費的。
認證後即時交付投票身份密碼，即時（或將來）用此身份去投票。
真夠全面，已然想及項目財務上的可行性，果然是成功生意人和盡心香港議會者！
但是，仍需解決「一人可多次（認證和）投票」這漏洞。
我建議一個解決方法，已顧及安全，不需要留下認證者身份資料。解決方法如下：
「網上自行認證」，要限定每人只准認證一次。
做法是，認證時，hash身份證上某些資料（例如姓名及出生日期）為一組獨特數字。hash 技術的大概意思是，該組數字已經加密，不能解密。中央資料庫只會記錄了此hash，就算被賤格人偷看或偷走，都查看唔到其內容。
下次同一張身份證再認證的話，只會導致出現這同一組獨特數字，如此就可安全地檢驗，不准重複認證（不准重複投票）。 -
網上AI應該有防止重履認証技術，不用自己研發。
-
<p style="”text-align:" left;”>Hi 「我是黃的」，</p>
<p style="”text-align:" left;”>想問下點解驚有人多次認證，所以「一人多次投票」？</p>
咁，嗰啲「有心人」咪幫 HKP 谷大投票人數？相反，我正在擔心投票人數太低，令到 HKP 無認受性、公信力喎！
-
James: 選舉代表香港人的議會，是件嚴肅事。
如果投票設計，不是盡力保障「一人手上只會有一張選票」的話，公信力必大減！
在大國強權欺壓下，（非政府舉辦）資源有限下，搞得成這樣的第一次香港人自決表達意見投票，投票人數少，情有可原。
萬事起頭難，正正經經搞好第一次，好重要。
反而如果為了做得好睇，由得「投票人數」假大空，就搞嚟無謂啦！
我反而擔心，強國有力人士攪局，印多幾十萬張身份證比５千個五毛，五毛錢認證和投一次，叫佢哋投俾區諾軒、張家賢…..我哋實輸硬！
啱啱仲諗到，實體投票站可以與網上自行認證投票並行，而仍然能夠保障到每人不會重複投票，原先我提出的「兩種投票渠道，而無中央資料庫去查核，一人可以多次投票」這漏洞，有了解決方法。另外再談。
-
如果香港政府為咗搞鳩我哋印幾十萬身份證，只會令西方金融機構唔敢再同香港做生意
因為如果香港政府印咗幾十萬身份證，即係香港政府亦可以為恐怖份子、被制裁個體印製身份證嚟繞過西方制裁，咁你估西方政府會唔會由得你？
-
印象中聽袁爸爸講過，香港７百萬人口，有香港護照的，有１千人。
班禽獸乜都做得出。華為任正非個女有７本護照，其中兩、三本是香港發的正式護照！這批身份證可以是一次性的（只為網上認證用），號碼亂作的…..。都是秘密運作，無平常功能。
-
Hi 「我是黃的」，
很同意你所講「HKP 選舉，係件嚴肅事」。
我無話「唔盡力保障一人手上只有一張選票」呀！我上文意思係，點樣認證都可能有漏洞，相信轉空子多次認證的人唔會好多，但唔係話絕對，亦無需過份擔心。
至於你話「在大國強權下…投票人數少，情有可原」。你有無底線？投票人數幾多你才不會接受呢？幾多人參與才夠「公信力」呢？
另外，我唔係要「做得好睇」，讓投票人數「假大空」。我哋正正需要認認真真做好每一步，唔係為咗選而選舉，求求其其幾萬人參加，選十個八個人出來就以為大功告成？
至於你話匪共可以印幾十萬張假身份証，「羅宋湯」已經答咗你。我補充一下，你話「叫佢哋投俾區諾軒…」。想問點解區諾軒會參加呢個犯割安法嘅選舉？佢又想入來做二五仔？
-
網上AI ID 認証的技算已經先進到可以防止用同一證件認証，在此提提籌委會要認真考慮用此技術，防止雙重投票。
講真話除左安全問題，更重要係投黎重乜？個議員會點樣幫我？ 這不是這裡討論的重點。
-
James，同意大家想個選舉做得好。
第一次反送中遊行，只得1萬2千人參加，之後以百萬計大量支持人數，當時大家都估唔到。
第一次全球選香港議會（在精英們KOL等不支持下、香港共產政府壓逼下），參選和投票人數真係難講。不過這個平台，是為長遠建立真正一人一票民主選舉而設立，所以我重視但不緊張人數。為理想而努力，看長遠而非一年。
「印多幾十萬張身份證」係跨張啲，想表達班禽獸乜都會做，而且做得出，權力亦做得到，因為佢哋習慣虛假造數來操作。就如停了立法會選舉、隨意DQ，國安法整香港，因為佢地發覺區議會選舉一人一票原來會輸得咁甘！就乜都會做！
香港議會選舉，正是督正共產假選舉、扮有民意、主席全票當選的死穴，所以如果搞得認真，個勢頭似樣，佢哋真係會花資源去整你。放低張借據就可拿走４千億美元現金，印一批有真人五毛相片（一人５０張，５０個名和號碼）的臨時身份證去呃你個自行認證系統，有幾難？其實好慳水慳力。
「區諾軒」意思係，佢推邊個明明係死仔嘅衰人出嚟參選，就算推鄺球嚟參，要選到邊個就邊個都會選到。
籌委好像不同意以政治背景DQ報名參選人。這點在真正民主選舉中，是合理的。但也有危險—搞一大餐，可能拱手送了給敵人，因為敵人資源龐大，例如印批臨時身份證，俾錢班五毛，就贏梗。
在明，通緝逼害你班參選人，在暗，預備定班假香港人去投票選共產棋子來做議員，兩手準備，權鬥陰毒，叻過我哋好多。
要諗下，點樣防止這些情況….大家都想個選舉做得好。
可能學馬來西亞政府，定性連宣傳共產主義都係犯法，可以諗下。不過這點亦可能要等到，先選到首批議員才能定下來。是雞同雞蛋的問題。
-
Hi 我是黃的，
理性討論係好事。
這裏的主題係「要解決一人多次投票」問題。
大家都知籌委正在進行這方面的研究及尋找最可行方法，或多法並行。而這方面當然需要 IT 方面專業意見。我以為這個能「杜絕一人多次投票」一定有解決辦法。
但你轉而表示「香港反送中遊行人數，由12,000 增加至百萬」，「為理想…看長遠而非一年」，「先選到首批議員…」。
你係咪覺得好緊急，唔理議會架構，有無有效規則、任期…，總之選咗第一屆出來，就會慢慢多人認識，選民人數增加。為了理想，看遠啲，俾多啲時間佢哋去學習都無所謂？
我又覺得，匪共神通廣大，佢哋點會諗唔到方法滲透、搞鬼？好似你話齋「搞一大餐，可能拱手送了給敵人」都唔知？
-
Hi，James。
因為你問我： 你有無底線？投票人數幾多你才不會接受呢？幾多人參與才夠「公信力」呢？
我聯想到第一屆投票人數和未來長遠情況。我在幾個討論主題下，提出網上自行認證，多謝不同手足提點和加碼，我邊想邊學邊討論。不久後，袁何談天內容，就更改了公證人認證為用網上自行認證（當然，豐富了許多）。
我也提出過幾個關於投票和認證的問題／漏洞。
關於這些問題，已經講述足夠啦。希望籌委會考慮啦。
安全第一，稍後再諗多些和參與討論架構、marketing方面的事。
-
