絕對同意要有料先有得market，咁樣有乜料呢？嘗試喺呢度討論一吓，講到有乜嘢料其實都係一啲同香港市民息息相關的議題，對在地港人黎講為佢哋發聲就好重要啦，呢啲可以定為短期目標，國際游說同爭取西方民主國家認同，支持香港人爭取民主同制裁中共就係中期目標，至於長期目標，就可能要等到議會更加成熟更加多人支持同有認受性嘅時候，先至可以進行，例如公投自決香港未來前途的方向，永久議會制度，制定適合香港自決後嘅憲法等等。
建議第一屆議會，只係集中落實中短期嘅議題，以下列舉一啲俾大家參考，希望大家踴躍提供更多呢類型嘅議題，籌委會將呢一個列表提供比未來參選人參考，作為佢哋嘅政綱，亦可以進行網上工作坊討論討論，成熟時可以作出民意調查將議題公開比香港市民投票，有咗呢類型嘅資訊再用marketing plan去推動。
– 向西方社會爭取釋放政治犯，取消港版國安惡法，向聯合國爭取平反香港人失去的自決權利
– 研究香港政府現有政策和機制，評論及建議改善方案，立法方面，要針對偽立法會提出不利香港嘅議案，作出批評和新建議，為在地港人發聲
– 身在海外的議員，要成立辦事處，為在地城市港人提供支援和社會服務，積極參與本地政治，或甚可以參選在地城市或國家選舉，成為雙料議員，為全世界香港人爭取權益
– 。。。
歡迎大家提供更多議題。謝謝。
